林海峰（Jan）將於下月28至31日喺紅館舉行「麥當勞ENCOREALWAYSON林海峰是但噏求奇大合唱PARTII」，阿Jan噚日喺吉祥物林兔公仔陪同下，去到德福廣場舉行記者會。
阿Jan喺記者會上話打算喺陳慧琳最後一場紅館演唱會完場後，再舉行PartIII，到時會開午夜場，又話會邀請一位「不神秘嘉賓」，佢話：「由於日前我做劉美君個唱嘉賓，俾人話跳舞跳得好生硬，所以我會邀請一個比較軟嘅嘉賓平衡番，呢位嘉賓就係葛民輝啦。」
最想護聖火
至於講唱會內容，阿Jan話會將上一次做得唔好嘅地方剔走，最重要係保留番上次做得最好嘅環節：賣tee同賣cap帽。對於喺劉美君演唱會上嘅表現，阿Jan笑住話：「我喺劉美君下身表現得咁生硬，係好合情理嘅！」當司儀提議佢搞傳火炬環節，阿Jan認同局長所講聖火係神聖嘅，佢着上藍色衫就係藍衣護衞隊，負責護聖火。