在香港地做Gym，像籠中動物動手動腳，腳踏跑步機，眼睛所及是大路上車水馬龍，旁邊位阿哥冇汗味已經偷笑了。高麗市民比我們幸福，公家健身設施免費開放，找個明媚春日，跑到花開得最燦爛的地方，在藍天包圍下扭腰、於櫻花群抱中拉筋，與大自然同步呼吸，詩情畫意之餘有益身心，怎不教人GymGym自喜？
記者、攝影：劉嘉蕙
鳴謝：韓國觀光公社、韓亞航空
由南至北追櫻
冬天穿短袖、颱風春天颳，香港已變成無季節的城市，所以去旅行，這可提醒我們四季該有的模樣。像韓國的春天就很「似樣」，每年3月開始，各式春花由南一路開上北。領航的有3月的光陽梅花節及濟州油菜花祭；來到4月，香港人喜歡的櫻花會鋪滿慶尚南道鎮海市及慶州，另外濟州的櫻花燦爛上場，可是過不了一、兩個星期，南面的櫻就收了。
南山櫻色 最燦爛
北部追櫻有兩個熱點，江原道是其一，不過假如你渴望睇靚櫻之餘不放棄Shopping（或整容？），我沒有理由不向你推介首爾，大城小櫻SoCharming！平常人們愛到首爾南山的NSeoulTower看城市skyline風景，春天前者收視率急跌，皆因全世界轉台睇櫻。而南山是值得的，它不是叫你無路可走迷失春櫻那種開法，跟其他所有平地一片櫻相比，南山櫻順山而上、綠樹與白櫻相間，像天生出來為人引路，開得特別簡潔有型。
櫻雪下PushUp
童年看日本漫畫入晒腦，睇櫻花最好三五知己圍坐一堆來個櫻式野餐，我本想作作狀整個翻版，不過實景驗證，南山似乎不適合請客吃飯。南山上人人愛運動，左左右右都是鮮艷運動服男女，有師兄弟班一車道具上來練劍、也有韓式師奶阿豬媽示範拗腰拉筋。令我由衷羨慕是散落山中各處的Mini健身場，我在香港付幾百蚊月費，人家高麗市民上轉山就唾手可得，也許無Locker無凉冲無毛巾攞啫，但景致開揚天氣晴朗噃。看見阿叔阿伯優遊自在地扭腰做PushUp，名副其實沐浴於陽光與鮮花之中，我真心想移民。
鎖住愛的宣言
南山頂上和櫻花一樣多的，是鎖，鎖匙個鎖。鐵絲網上掛着大大小小各式各樣的鎖，許多上面還寫滿字，我很好奇，莫非呢度真係有GymCentre？「唔係！鎖上面寫的是愛的宣言，有情人相信扣個鎖在這裏，可以象徵一生一世呀。我細心看每個鎖，有的後面貼了貼紙相，有個扣住一封信、等有鎖匙的人來帶走，諸如此類愛的綑綁，像我們小巴後座的白油字，很LowTech地叛逆，但很浪漫，最好俾我有日唔覺意見到自己個名，一定會興奮到碌落山……
首爾有幾個地方看櫻都好，可這當中還有先後之分，4月中旬開得最盛是汝牟島輪中路，1,400棵櫻花樹編成一道櫻花隧道，擁抱整個國會議事堂。這年趕不及賞花？下年約定你，記住帶埋運動衫！
阿豬媽採青煲湯
汝牟島是韓國政經之地，呈現的是現代建築與自然交錯之美。北岳山比較像城中小公園，中間有高高的一座塔，周圍放幾件藝術品，比較親民。採訪當天有幾群快樂的阿豬媽，她們梳差不多的髮型（即小丸子媽媽個頭）、化差不多的妝、穿差不多鮮艷的衣服，帶了小刀子，跳來跳去割草，沒有可惡的實Q阻止，原來是她們每年的例行活動，「這些是艾草，放在湯裏面、做飯都很好吃！」其中一個阿豬媽說。
盧武鉉愛雞
行山賞櫻影相，行到身水身汗，下山後可直接剷去土俗村來個人參雞湯補補氣。土俗村不難找，在地鐵景福宮站下車徒步5分鐘即達。
冇錯，韓國通街人參雞，千揀萬揀選着土俗村，因為此家的雞連南韓前總統盧武鉉都撐！總統都唔信，仲信邊個？店內招牌人參雞湯售$102一大煲，有雛雞一隻，裏面釀入糯米、大蒜、銀杏、核桃及三十多種藥材及材料，雞肉入口即化，參湯啖啖香濃，臨尾我冒流鼻血之險成支參吞入口，都冇事，證明參湯補而不燥，食完shopping特別好力。
土俗村
交通：地下鐵3號線景福宮站下車徒步5分鐘
電話：（82）2-7377444
營業時間：10:00-22:00
出門提一提
簽證：持有效BNO或特區護照免簽證。查詢：25294141（韓國領事館）
機票：韓亞航空來回首爾，$2,500起，17日有效期。查詢：23900421（學聯旅遊）
貨幣：1港元約兌127韓圜（文中價錢已折算為港幣）
電壓：220V，雙圓孔
旅遊查詢：25238065/ http://www.tour2korea.com（韓國觀光公社）
下周首爾間中有陽光，8-22℃
