近期忙住拍攝新劇《一枝梅》嘅韓星李準基，前日同容祖兒喺北京apm出席活動，李準基今次係帶病上陣，不過佢睇嚟精神唔錯，現場fans一見佢出現，即刻大聲尖叫，又拉起「一枝梅，FIGHTING！」橫額支持。身披白色外套嘅李準基帥氣十足，成個白馬王子咁，問到佢嚟北京嘅感覺，佢話：「好開心，其實最多謝係啲fans。」因為班fans不斷大叫：「李準基，我愛你！」令李準基好滿足，仲對住fans友善揮手㖭！