喺港交所（388）打工打到變億萬富翁嘅行政總裁周文耀（Paul），透過行使公司送嘅購股權，增持咗42萬股港交所，單係呢批股份，都令阿Paul賬面勁賺超過5800萬港銀。
據港交所嘅資料，阿Paul喺上個禮拜五行使購股權，增持咗42萬股港交所，以每股行使價8.28蚊計，總共用咗347.76萬銀。以噚日港交所收市報146.5銀計，賬面大賺5805萬銀。
今年3月初，港交所公佈07年度業績時，已經講話因為07年賺到錢，行政總裁勞苦功高，所以董事會按照薪酬委員會建議，會喺公佈業績同禁止股份買賣期屆滿後，會拎61.2萬銀喺市場掃港交所股份畀阿Paul。