鄭少秋與官晶華的18歲長女鄭詠恩前晚為母校行騷，一家人都有捧場，更大讚女兒有模特兒天份，相比月初欣宜獨自行處女騷溫馨得多。曾當眾承諾會多點時間陪欣宜的秋官，稱欣宜沒邀請他睇騷，更指女兒喜歡一個人的生活方式。
鄭少秋與官晶華所生的18歲長女鄭詠恩，前晚為就讀中的南島中學首度登場行時裝騷，其母親官晶華一早到場為愛女拍影片，秋官與細女詠曦隨後也來打氣，一家四口家庭樂。詠恩是夜共示範了四套服裝，表現有板有眼，相信是全家撐場鼓勵的動力。而名模馬詩慧也與長女王曼喜同台演出，一同示範婚紗。
稱詠恩無意入行
官晶華經常迴避記者鏡頭，秋官解圍說：「佢怕醜，你影我，我靚仔。」問他覺得詠恩表現如何，他笑說：「佢唔會緊張，我嚟支持佢。」其女兒外貌不俗，問他會否批准女兒入娛樂圈或做模特兒，秋官說：「學校派對冇所謂，冇聽過個女想入行，亦都冇聽過想做模特兒，唔知佢有冇興趣，不過佢都有演藝天份。」
談到早前欣宜同樣以模特兒身份首度為手袋品牌行騷，秋官說：「做得好，我都支持佢。」問他為何沒有往撐場，他說：「如果佢叫我，我會嚟，你哋話畀我聽先知。」
「得閒會見吓佢」
有傳欣宜因經濟問題解僱司機及工人，秋官說：「呢啲報道唔會信，佢應該冇問題。」問他會否擔心欣宜生活沒人照顧，他說：「佢鍾意一個人，呢個係佢嘅決定，佢都21歲，有佢自己選擇方式，我得閒都會見吓佢。」
採訪、攝影：羅慧敏
欣宜
年齡：20歲
學歷：於加拿大讀大學
感情狀況：與外籍男友Mark拍拖
-vs-
詠恩
年齡：18歲
學歷：南島中學（國際學校）
感情狀況：去年曾被雜誌拍到跟兩男連環擁吻