瑜伽索女Margaret（鍾麗淇）貴為修身堂瑜伽學校Yogasia校長，諗落都幾搞笑。她玩瑜伽固然耍家，莫說是校長，連校董都勝任有餘！但相約訪問，動若脫兔的活潑鬼妹仔性格，跟正經八百的校長稱號，未免有點兒難以想像……更想像不了的是瑜伽竟然可以Crossover泰式按摩！食到正今期泰國風，從TonyJaa到JiJa見識過「泰」厲害；從車震受害者到活得比你好的21世紀新女性，鍾麗淇才是我心目中的女拳霸！
記者：陳諾堯
攝影：伍慶泉
混合式瑜伽 泰嘆！
當牛頭角師奶也在屋邨玩瑜伽時，流行了這麼多年的瑜伽，已非新鮮事。混合式瑜伽大行其道，因為瑜伽跟其他活動玩Fusion，效果會更明顯。而如果你正正想學Yoga，但又覺得自己好少運動，柔軟度唔夠，瑜伽泰式按摩便屬首選。事關呢個Session最啱一些一向鍾意Spa同按摩嘅朋友，你既可享受泰式按摩的同時，仲可以接觸埋Yoga，是身心疲累，但又唔想畀自己懶的懶人做法。其基本動作並唔難學，只要做啱個動作，Keep住正常呼吸，基本上淨係泰式按摩師用力便能發揮功效。得閒一至兩星期做一次都足夠，特別適合平日無乜運動嘅朋友，去一個Session舒筋活絡吓，之後再Keep住做Yoga就最Fit！事不宜遲，Margaret即示範其中4式！
4招瑜伽泰式按摩
1.打坐式和紓緩膊頭按摩
呢招最適合長期對住電腦，頸梗膊痛的OL。
2.兒童式和指壓按摩
兒童式係好舒服的Pose，只要放鬆讓按摩師指壓按背就能紓緩背痛和肌肉疲勞。
3.心開式和腳板底按摩
呢招可令腰部更加柔軟和靈活。
4.蛇式和拉筋
拉筋招式在泰式按摩是必有的，能令全身放鬆，增加筋骨柔軟度。
美肌瑜伽 搽精華素
Margaret話做Yoga真係會越做越靚，仲畀各位瑜伽學員一個私家小秘技，「大家都知做Yoga時唔好化妝，因為皮膚會吸入化妝品而變得亁旱，所以我自己會於做Yoga之前搽精華素，等肌膚更加吸收，更加有光澤。做完Yoga時一定要洗面，之後再搽精華素，咁就無咁容易生粒粒，仲會越做皮膚越好！」
Margaret'sChoice
修身堂TimeReverserSerum$2,900/一盒24支
查詢：修身堂（23118111）
生命中不能缺少 舒泰！
Margaret遇上瑜伽，全因為多年前在多倫多發生的車禍，那次意外令她的背部受損，做任何運動治療都沒有好轉，直至到一星期做一次瑜伽運動，開始發覺無論生理或心理都健康了很多，由那時開始，瑜伽就變成了她的生命。「我好相信瑜伽，佢真係可以令到人身心舒泰，就好似我嘅皮膚咁，一開始做Yoga的頭兩年，我成個心口都生晒暗瘡，其實係瑜伽幫我排緊毒，幫助生理循環，就好似中醫一樣。我呢咁多年嚟後生咗又病少咗，每日最少Keep住做一個鐘，人都開心晒！」講到開心，Margaret給人的感覺都是樂天派，她更大談上堂時的笑料：「我喺修身堂教咗一年先知道胸對下嗰啲叫肋骨，唔係排骨！」
收肚腩小貼士
很多現代女性都是被中部肥胖的煩惱所困，淨節食認真唔夠！最後，Margaret教埋大家收腩。首先將一隻腳伸直朝向天，再用雙手的力量令膊頭離地，然後另一隻腳再向上微升，Hold住10-15個呼吸。每日Keep住做可收緊腹部。
查詢：Yogasia（21168328）
金鐘夏愨道16號遠東金融中心商場A5Ⅱ室