組合野仔08畢業禮音樂會前晚舉行尾場，成員少爺占在台上搏到盡，除即場寬衣半裸演出外，更忽然百感交集狂喊，嘉賓朱薰也同樣眼濕濕，場面感人，另一位嘉賓林一峰則自嘲音樂會太多「直人」，故請他來戥腳。
由少爺占、小胡和Chris組成的獨立樂隊「野仔」，前晚在九龍灣展貿中心舉行尾場演唱會，表演嘉賓有朱薰和林一峰，往捧場的則有何韻詩、應昌佑、周柏豪及黃貽興等。
「擔心冇人睇」
少爺占在台上越唱越感動，兩度淚盈於睫但強行忍住，可惜到最後仍然失守流淚喪喊，他在台上邊哭邊說：「喺黑色暴雨下開show，好多謝大家都嚟支持，我哋一年先開一次，今次擔心過冇人嚟睇。」
少爺占又說：「本來有兩次想喊我都忍住，不過因為反應咁好，就忍唔住喊，之前都擔心打風又黑雨警告，如果打8號風球就開唔成，天文台話未來可能掛8號，咁即係點啫？想唔到黑雨都有咁多人嚟支持，所以好開心囉！」他在台上唱到連背心也脫掉，露出一身排骨身形。
自嘲性取向
至於林一峰因為從饑饉三十活動中途趕來演出，故身上仍穿着饑饉三十大會T恤，少爺占叫他即場除衫，並將T恤拋下台給觀眾。林一峰笑說：「佢哋搵我嚟係因為音樂會太多『直人』，所以搵我嚟戥吓腳，佢哋一返入後台就去媾女。」
此外，嘉賓朱薰在台上自爆與小胡關係密切，因對方經常伸出援手幫助她，如今終於有機會為小胡的演唱會做嘉賓作為答謝，她講到這裏也忍不住雙眼通紅。
採訪：胡比
攝影：陳順禎