樂基兒近日趁課程假期空檔，密密行騷搵真銀，她透露畢業後會再進修廚藝課程，以便實現她開餐廳大計。她表示拿手菜是焗三文魚、雞及牛肉等菜式，笑言男友黎明對食有要求，最叻做幕後大廚，指點她下廚技藝，但有時他都要吃隔夜餸。
時裝品牌Ports1961前晚在中環7號碼頭Watermark，舉行春夏時裝騷，城中名人名模如琦琦、馬詩慧、AnaR.以及歌手謝安琪等也冒着黑色暴雨捧場，興致十足，樂基兒則為品牌行騷。
男友最叻叫人煮
樂基兒近日趁着藝術課程假期空檔，密密接騷，她說：「放咗三個星期假，5月中又開學。」記者笑她賺夠學費，她說：「唔係咁講，有啲savings都開心，因為之前四個月都冇做嘢。」問她畢業後會否即實現開餐廳的夢想，她說：「冇咁快，讀埋書先，遲啲會學烹飪課程，開餐廳就大個啲先。」
問到廚藝如何時，樂基兒笑說：「都係切同mix。」記者笑她似弄沙律，她說：「我煮salad都好食，自己最叻煮焗三文魚，雞同牛肉都OK。」
問到男友黎明對她的廚藝評價，樂基兒笑說：「都OK，不過佢好叻，佢識叫人點煮，自己就唔使煮。」問到黎明愛吃甚麼，她說：「佢好有要求，乜都試，噚晚嘅餸同今晚嘅餸煮埋一齊都會食，因為佢冇得揀。」
琦琦憂肖像被用
此外，日前有模特兒網站用了琦琦的肖像誤導網友，琦琦說：「好奇怪，都會唔開心，全行都知我得一間模特兒公司，不過呢啲嘢好難免，經理人公司識得處理，自己都唔擔心。」
採訪：LawWaiMan
攝影：DickyChan
