天水圍街市食品貴絕鄰近地區，不甘捱貴餸的天水圍師奶惟有各出奇謀。萍姐每天花逾一小時，走遍鄰近街市及三大超市格價；美姐每周跟隨師奶團北上買餸，近日更必須大量入貨抵抗人民幣升值。
「以前月尾都打到三百蚊斧頭，𠵱家想慳都冇呀！」萍姐每天只能花70元買餸，必定事先帶備紙筆，到多間街市及超市格價，直至傍晚才買，遇上特價時段就大量入貨儲糧，因此一家五口經常「遲開飯」，「以前買15蚊豬肉，𠵱家要20蚊先夠食。做阿媽嘅，睇小朋友已經花心機，仲要買乜都要計住，好疲倦。」
到多間街市超市格價
萍姐死守天水圍，美姐則北上另覓平價餸。不過近月人民幣升值，她惟有減少北上次數，「每次就買多啲餸，裝備要多，帶多幾個袋，上面啲雞同豬肉仲係平啲。」她到旺角等其他地區時也會順道買餸，「旺角啲雞翼仲平過天水圍，但係車錢廿幾蚊已經可以買一餐餸，出開去先買。」
本報記者