「整容女星」偷偷搭上「富豪」後，富豪嘅正印女友俾佢哋激到生蝦咁跳，但又唔敢詐型，惟有周圍同人呻話整容女星同佢爭仔，不過你有你呻，整容女星繼續施展狐狸本色，兼且變本加厲，仲約富豪去日本happy。
樣假心仲假
由於整容女星早就有男朋友，仲成日拖佢出嚟做大龍鳳，所以同富豪嘅關係要保密，唔想俾人知。聽講今次佢哋出埠，整容女星提前一日出發，先去日本一間五星級酒店checkin，第二日富豪至施施然去嗰度會合。為咗安全起見，佢哋去日本四日三夜，竟然要轉兩間酒店，出門食飯都必定前後腳，以確保冇被狗仔隊影到，全程行蹤都極度鬼祟。
其實整容女星約有錢佬出埠都唔係第一次，之前佢試過喺內地偷會富豪，乘機搵快錢，但返到香港之後就擺出高貴款，作狀到唔恨。估唔到佢唔單止個樣假，連個人都一樣咁假！
Textby關仁
