夏天就到，唔少同事都加快修身，專家話最快見效，係朝早空肚跑步，跑完後仲唔好即刻食嘢，起碼等半個鐘，等身體燃燒脂肪。愛美係人嘅天性，我留意體壇多年，發現有唔少運動員嘅「疑似」整容事件。
遠嘅有英格蘭名宿華度，佢未效力法國馬賽之前，成個鄉下仔咁，去完法國一轉之後，品味好咗、人又靚仔咗，真係令人好懷疑。至於近嘅，就有網壇巨星費達拿，攞佢初出道同𠵱家嘅相片比較，好明顯輪廓靚咗好多，唔通呢啲就叫做人紅自然靚？
今期就推介有越變越型嘅前鋒達路斯軒達臣壓陣嘅屈福特，可以喺周六嘅英冠聯擊敗水晶宮。屈福特人腳唔差，又要爭直接升班，但近11場竟然只得1勝，今場對住大勇嘅水晶宮，係時候痛痛快快贏番場，一於同當紅名家蘋果波神打對台。
主客和：屈福特勝
心得：屈仔係時候反底
近5場往績：贏贏贏贏輸
吾中
買嘢講名牌，但賭波一定唔會做名牌奴隸嘅大聯盟女神。