Juice重開派對星光黯淡

Juice重開派對星光黯淡

陳冠希位於銅鑼灣的時裝店Juice,經重新裝修後前晚舉行重開派對,但出席嘉賓寥寥可數,而且幾乎清一色是男性,如農夫、Zing、李璨琛、EricSo和王浩信等,曾與Edison傳緋聞的女星全部銷聲匿迹,只有「Eason嫂」徐濠縈單拖撐場,現場雖有舞獅助興,但與昔日星光熠熠的場面可謂天淵之別。

農夫成員陸永、Kevin和DJTommy前晚齊齊出席Juice重開派對。

去年Edison舉行CLOT三周年派對時,獲不少明星如契姐楊千嬅(右)畀面捧場,如今風光不再。

否認爭搞騷

Edison的拍檔KevinPoon和DJTommy負責主持大局,Kevin表示前日雖沒與Edison通電,但Edison身為公司負責人之一,當然知道時裝店重開。問到Edison沒現身似乎較遜色?Kevin說:「唔會,我哋係生意拍檔,會保持聯絡,但我唔知佢係咪下個月返。」會否擔心Edison走數?他說:「我哋識咁耐梗唔會。」
對於麥浚龍指Edison賣的服裝不是高檔貨,又被指搶走Edison合作夥伴搞潮騷,Kevin說:「我哋嗰啲係街頭服,至於爭搞騷就冇啲咁嘅事。市場咁大唔怕俾人搶,有多啲人搞先有進步。」不過Kevin坦言一個人面對傳媒有壓力,但有重要決定時必定會與Edison商量,他笑說:「唔通搬張凳都要同佢講。」農夫也透露間中與Edison聯絡。
前晚全場唯一一位女嘉賓徐濠縈表示因與Kevin稔熟,故往捧場,對於老公陳奕迅叫她用錢慳一點,她笑說:「唔好咁認真,總之我同佢都知大家啲錢點使。」
採訪:胡比 攝影:陳慧安