受惠於市場久無大型新盤開售，令近期推出嘅單幢細盤有機會突圍而出，由華置發展嘅旺角單幢樓MOD595，早前正式推售，參觀人數同收票量都可媲美大型樓盤，甚至引嚟行家截擊。呢個盤以方便就腳作最大賣點，入伙後不愁冇租客，因此買家對象除區內客之外，相信仲有收租客支持，有意買樓收租嘅，可以趁假日到尖沙嘴新港中心參觀示範單位。睇完樓，下個節目總係離唔開行街買嘢，建議你去九龍灣站上蓋嘅德福廣場，搭港鐵約20分鐘就到，商場近日搞咗個「請你多一點綠」嘅環保活動，Shopping之餘為環保盡一點力。
全球暖化升級，唔想香港冇冬天，就要響應德福廣場嘅收集光碟活動，以紓緩電子廢物對環保帶來嘅沉重壓力，同時教育大眾，光碟盒嘅透明膠面及底盤兩個部份，原來在回收時是要分開處理，如混雜了其他物料，便無法回收再造。又透過分享環保小貼士，互相學習點樣綠化環境及家居，從而推廣環保教育。
最後，德福廣場希望全港家庭，能夠喺家中栽種至少一棵綠色植物，以助增加地球吸收二氧化碳量，為咗回饋大眾對環保嘅支持，商場將送上綠色家居小植物，讓你由呢一分鐘開始，為家中添一點綠，為地球出一分力。
