今次旅程係我第一次落Track、第一次揸法拉利、第一次成為FioranCircuit首個亞洲女「車手」。以上嘅第一次雖然都好令人興奮，但都不及走入法拉利禁區緊張同震撼！「禁區」指嘅係法拉利廠，相信參觀過嘅人寥寥無幾，更何況香港傳媒！事關入面進行嘅設計同製作都係Secret，甚至帶住我哋行嘅Guide都只係知道我哋可以參觀嘅嗰兩三座建築物嘅情況。由於避免秘密外洩而嚴禁拍攝，於是乎一張廠相都無。呢次絕對係大開眼界，最印象深刻嘅仲係，原來專業技術人員唔一定年紀大或一頭白髮，喺廠房入面，好多意大利型仔同靚仔㗎！
（四之三）
記者：加菲