梁朝偉與劉若英前晚獲香港專業電影攝影師學會頒發最具魅力男、女演員獎，偉仔非常開心。他與劉嘉玲婚期一直備受關注，前晚他主動自爆婚期，表示今年內會完婚。
香港專業電影攝影師學會前晚於尖沙嘴舉行20周年慶典晚宴，大會宣佈會長黃岳泰將卸任，而導演劉偉強則接任新會長，學會還公佈會員投票選出的三個獎項結果，包括「全年最傑出攝影獎」由黃岳泰奪得、「專業電影攝影師眼中最具魅力男、女演員獎」則頒予梁朝偉及劉若英。
家輝送女做賀禮
梁朝偉前晚單拖赴會，他心情極佳，並自爆婚期。問梁朝偉覺得自己那方面最具吸引力？他說：「注重工作，投入做一件事嘅時候吸引囉。」後來他主動笑謂：「仲有乜嘢問呀？唔係有八卦嘢問咩？」偉仔與嘉玲早前被指接受婚前檢查，他再被問到婚期時說：「計劃中。」問他何以籌劃這麼久？偉仔說：「其實幾日前先講過呢個話題，我一路都搞緊，嚟緊我要去康城，《赤壁》喺康城會有記者會同試映。」偉仔表示未知女友劉嘉玲是否同行，再追問到底何時結婚？偉仔終於肯具體一點回覆：「我希望今年內做到。」
梁家輝前晚也有到場，他被問到會送甚麼結婚禮物給偉仔？他說：「我要開始考慮送乜，希望係啲有心思嘅嘢。」有指偉仔甚麼都有，只欠小孩子，家輝笑謂：「我有對孖女喎，送一個畀佢囉！」家輝透露近日已開始計劃退休，他說：「我一把年紀，身邊啲人個個都話結婚，諗送乜嘢禮物都有排諗，好似黎老明（黎明）喺外邊返嚟又話結咗婚，如果我都話搞結婚，講都冇人信啦，咪諗吓不如搞退休囉，一個人到咗某個階段就要退出，喺個圈子耐咗要畀機會其他人先至會有進步。」
此外，趙世曾千金趙式芝早前與波爾錶太子女楊如芯（SeanYeung）喝醉酒當街嘔吐兼擁吻，前晚二人不避嫌一同到場及合照。
採訪：何慧斯
攝影：林德雄
