母親節學包餃子贈阿媽

下個月就到母親節，不少餐廳酒店都有着數畀阿媽，就好似帶阿媽去帝景酒店帝景軒嘆自助餐，就會即刻送上美容精美禮品及寶麗來即影即有相一張，等我哋影張全家福留念。此外凡惠顧午餐或晚餐均送上椰汁燉官燕，人人有份，而晚市更額外請你食一客芝士焗龍蝦㖭！唔想坐喺度齋食，可以預早訂位，免費參加埋「親親媽媽烹飪班」，酒店大廚會親自教你包餃子孝敬阿媽，名額有限先到先得。