黎姿、莊思敏及陳嘉容前晚出席在尖沙嘴香格里拉酒店舉行的周大福南非鑽飾活動，是次她們即場示範佩戴名貴鑽飾，其中黎姿所佩戴的一套鑽飾總值2000萬港元，包括有項鏈、戒指、耳環及手錶。壓軸出場的黎姿說：「身上戴咗咁貴嘅鑽飾，真係有啲驚，淨係對耳環都二十幾卡，我比較鍾意啲一粒過嘅，個款簡單啲仲好，因為容易襯衫！」記者問如果有人送千萬鑽飾，她會否接受？黎姿說：「嘩!會好驚喎，太名貴有壓力㗎！」記者又問與她傳過緋聞的G先生，有否送過鑽飾給她？黎姿說：「冇G先生呢個人呀！係你哋（記者）講啫！」
欣賞心思禮物
黎姿承認自己鍾意鑽石，當記者問她可收過其他追求者的鑽石大禮？她自爆曾有一名男友送過首飾給她，她說：「係有人送過鑽戒畀我，不過我冇收到，當時同佢係有約會，但係唔知佢係咪想求婚，不過女仔人家唔好收人哋咁貴重嘅禮物，我連睇都冇睇過份禮物就畀番佢，不過我知都要7位數字㗎！」講到感情生活，她說：「如果想𠱁我開心唔使送鑽石，因為我會自己買，花吓心思仲好啦！」
莊思敏逼爆衫
此外，莊思敏亦有佩戴鑽飾行show，她接受訪問時說：「喺出場前我着嗰件衫patpat位爆開咗兩吋，現場又冇裁縫師所以縫唔番，為咗咁我出場少咗一part。」記者取笑她的patpat太大着爛衫，她說：「冇呀！係件衫薄咋！」
採訪：魯萍 攝影：陳志嵐
