中村俊輔回起，射入靚爆金球
一個西班牙盃，朗奴高文留得住份工嗎？
荷甲周日煞科又掀高潮
拜仁反勝法蘭克福，押注波友常感唔安樂
NBA馬刺能收能放，10年內5奪總冠軍有計
最新動態
好多有錢人為出名要話事，毅然豪擲數億甚至數十億去搞隊波，回報年期長兼屬無底深潭，你話戇居，但佢哋卻樂在其中；季初尚要流亡嘅泰國前總理他信，入主曼城並聘用艾歷臣擴軍，季尾卻傳出後者地位不穩。
小弟一向認為冠軍只得一個，話事人要取悅球迷同揼水嗰位老細，除了交成績外，球隊風格極為重要；現今時勢，有誰不喜歡睇進攻足球？英超泰半球隊座位唔滿，除咗睇波皮費重，唔好睇亦係主因。
好似曼城季初虎虎生威，踏入今年卻無以為繼，查實計成績，仍位列中上游已足夠交代有餘；不過教慣意大利波嘅艾帥，1月高價簽入馬華路禾尼，代替有離心嘅路蘭度比安基，成隊波跌晒watt。你見由華素爾任箭頭搶分，而中後防要李察鄧尼同夏文頂住，就知班波幾悶啦。
簽擅攻嘅西、葡兵成現時主流，連南華今夏都只是以香港雜牌軍踢頭場嚟招呼曼城，艾帥仲有幾多時間換血，做起曼城個名呢？
http://hk.myblog.yahoo.com/appleballmen/
蘋果波神
今季唔得，咪下季嚟過囉！