薛家燕（好姨）日前到新加坡，為今年6月中首次在當地舉辦的兒童才藝班做招生宣傳，她更邀得沈殿霞（肥肥）的生前好友張永權到時出任導師。
有跟欣宜聯絡
肥肥早前病逝，張永權一直低調悼念好友，並迴避傳媒訪問。好姨表示最近在新加坡跟他見面，大家都有憶起肥肥，好姨說：「佢（張永權）之前真係好唔開心，匿埋唔肯見人，心情好難受，曾經有諗過嚟香港參加肥肥嘅法事，但又怕俾狗仔隊追訪，寧願選擇自己喺新加坡悼念肥肥。不過佢心情開始平復，佢都話有同欣宜聯絡。」
對於今次邀得張永權為暑期班助陣，好姨說：「係呀，佢真係我哋嘅星級導師，佢主要幫手訓練小朋友嘅口才，因為佢講得一口流利普通話同英文，最適合不過。」
採訪：比華利