身為教師嘅我，喺學校會鼓勵學生多閱讀，但當睇到書裏面啲字又密又細，相都唔多張時，又點可以奢望書本能將電視及遊戲機打敗呢？
返到屋企，點都要營造一個良好閱讀氣氛及環境。於是，除喺女兒房做了一個3呎闊6呎高書架外，亦常帶佢哋去書局買書，以建立屬於佢哋嘅圖書室。
真的不可不提最近買嘅一本圖書，好掂！首先，故事主題是4個公主。嘩！邊個細路女唔想做公主，仲要有4個。跟住就係可以幫公主換衫，嘩嘩！邊個細路女唔鍾意扮靚。最後，竟然仲有15張巨型古堡砌圖，嘩嘩嘩！邊個細路女唔鍾意做一個扮得好靚仲要住喺古堡嘅公主。
買咗，盛惠$198。這本三合一及能啓發多元智能嘅圖書深受女兒歡迎。但，這其實已不再是一本書那麼簡單！
個人資料
夏巴巴：
平凡男人一個，卻扮演着多個角色，好兒子，好丈夫，好爸爸，中學教師，還有良好僱主（傭人眼中），「好」大壓力㗎！