梅小惠（左）前日42歲生日，佢自掏腰包花五位數字包咗間火鍋店開生日派對，同家人朋友一齊慶祝，當晚好友戴夢夢（右）都有出現，小惠話：「我叫啲朋友唔好買禮物，我有個善款箱，叫佢哋將啲錢捐畀慈善機構。」小惠仲攞咗自己畫嘅兩幅畫喺當晚拍賣。𠵱家佢除咗做無綫主持外，仲係某公司嘅形象設計顧問，已經兩年有多，佢笑笑口話：「男友又搵唔到，惟有畀心機做嘢，幾好㗎，做多幾年收山。」