盈大的法院會議及特別股東大會並無開放予傳媒採訪。根據會後唯一面對傳媒的70歲小股東陳婆婆（圖）昨日透露，法院會議上，「好似有廿幾人同意，四十幾個反對」，因為自己「唔識英文」，故無法向管理層提問。昨日出席會議的盈大最高層，為「只識講英文」的盈大副主席艾維朗。
唔識英文冇得問
由十多年前買入蕭若元的友聯建材，經歷過陳國強入主後的東方燃氣，輾轉到今日李澤楷主理的盈大地產3個年代，陳婆婆明言不滿李澤楷「出手低」，「兩個八毫半梗係少啦，起碼都要四五蚊先得……咁多年供股供咗兩次，換咗幾個老闆，賣咗畀陳國強，又賣咗畀李澤楷，（期間）又十合一，又幾合一，𠵱家嚟講，我蝕咗好多錢。（咁驚唔驚盈大個股價會跌番？）無辦法啦！都揸咗咁多年，輸咗咁多，𠵱家放條氣又唔順，橫掂輸咁多蝕咁多，咪繼續揸落去囉……」
另外，陳婆婆亦是電盈的小股東，「喺電話公司（即香港電訊）嗰陣買落嘅……8號仔又係死，又係好唔掂，先頭佢好好㗎嘛，無諗到佢咁唔掂……」看來，電盈管理層還須加把勁，為小股東創造價值。