亞視新劇《火蝴蝶》下周一推出，前夜特別在金鐘AMC戲院舉行首映，將40集的劇情濃縮為75分鐘的電影版，眾藝員均盛裝赴會。唐文龍在劇中艷福無邊，沈穎婷和李彩華在幕前為他爭個你死我活，不過前夜沈穎婷的一襲deepV裙則明顯擊敗李彩華的熱褲，李彩華笑說：「唔一定着成咁你哋就會登嘅，我一啲都唔介意呢！」李彩華表示在劇中有不少與唐文龍激咀，及與沈穎婷互摑鏡頭也被剪輯在電影版中。雖然亞視對該劇重點宣傳，但李彩華未感壓力，她說：「咁咪好囉，會多啲人睇。」
羅霖夫婦拍拖睇戲
此外，江美儀早前在飲食天王頒獎禮上被指暗寸黃麗梅，有自己人踩自己人之嫌，江美儀前晚說：「件事純粹係搞gag，乜嘢自己人踩自己人啫！況且我已經唔係亞視人，所以唔成立。」至於亞視高層葉家寶就說：「已經叫佢唔好對號入座，江美儀胸襟好廣闊。」江美儀聽罷立即反擊說：「驟眼睇黃麗梅胸襟廣闊過我。」前晚碰巧羅霖和丈夫劉坤銘結伴到戲院睇戲，並由羅霖以信用卡購票，她甜蜜地說：「我哋拍拖睇戲咋！」
採訪：卓寶花
攝影：陳慧安