施念慈（Celia）前晚喺中環安慶台出席時裝品牌SteveMadden派對。Celia話最近忙於籌備新書，佢話：「今次係同女作家合作出書，係散文，針對海外市場，以自己嘅人生經驗為主。」問內容會否涉及前夫陳鴻業？佢話：「唔會指名道姓，熟人睇到就會知。」問Celia感情生活如何，佢話：「識到好多靚仔，全部都細過我，但都寧願揀細過我嘅，大過我嗰啲會有老婆，同我同齡又有晒女朋友，自己唔想做人情婦，寧願揀細過我。」