何韻詩作為樂施大使身份，稍後會隨樂施會到非洲探訪。昨天她於佐敦出席樂施滅貧利是收集大行動的頒獎禮，向來愛玩的阿詩，與一班學生大合照時，不忘玩弄站於前面的學生妹。對於日前阿詩被指匿在控制台欣賞好友容祖兒尾場演唱會，她說話似另有含意說：「我冇匿埋，其他演唱會我都經常喺panel位睇，Sammi（鄭秀文）演唱會我都係。我係冇位坐，冇地位冇身份嘛。我一向懷疑自己有隱形功能，大大個人喺度都話睇唔到。唔關事，我光明正大，冇位唔通上台坐咩。」
盼遺產案盡快了結
對於師傅梅艷芳的遺產案於法庭開審，阿詩謂有留意報道，她說：「個人希望呢件事快啲完結，已經第五年喇！梅姐在天之靈，冇諗過會搞咁耐同咁複雜，佢原意都係想妥善安排。相信有關人士已經受到精神上嘅折磨，希望快啲有個結論。」
採訪、攝影：王連連