近日有雜誌話林敏驄（右）有情婦，佢噚日喺新城電台接受訪問時講笑話上次記者會嗰兩個護士就係佢情婦，佢叫大家唔好作得咁過份，一陣寫佢有第二個女人，一陣又寫佢借酒澆愁，佢話如果有情婦使鬼澆愁咩。 另外，主持薛家燕（左）同阿驄講，叫佢要有夫威，唔好畀老婆去打牌，就算打都只可以同女人打，因為打牌時會有身體接觸，好易會出事。鬼馬嘅阿驄就反問家燕姐係咪要返屋企同老婆講：「你再去打牌我就打你。」不過阿驄話太太已經少咗打牌，而且都係同女性朋友打。