饒珮君開辦的拉丁舞學校桃李滿門，她的一班學生日前特別筵開12席，為她搞生日派對，還請了同是舞林高手的趙世曾擔任嘉賓，兩人為派對領舞，掀起了全晚高潮，趙世曾自言從年輕至今都同樣愛跳舞，只可惜多年來沒有新款舞，猶似舞林很久沒有新一代高手。
饒珮君的舞蹈學校日前在銅鑼灣利舞臺舉辦了一個拉丁舞之夜，並邀請了趙世曾及其女友Wendy做嘉賓，同場一班舞蹈學校的學生，更特別為校長饒珮君慶祝4月16日生日。
去party識女仔
壽星女跟趙世曾在舞池帶領第一隻舞，當音樂響起，趙世曾跟饒珮君旋即跳起牛仔舞，趙世曾帶着饒珮君不停轉，跳到興起，還一手抱起壽星女，全場立即掌聲雷動。趙世曾笑說：「細路仔嘅時候已經有跳舞，我最叻就係跳華爾斯登。我哋細個嗰陣成日去party跳舞，每隔幾個月就會排一隻新舞出嚟，𠵱家就冇乜新嘢出。」由於當年經常出入party，趙世曾承認因而結識到不少女朋友，到了現在他會帶女朋友Wendy去蘭桂坊，他說：「我帶佢（Wendy）去蘭桂坊啲disco玩，因為我都好鍾意！」
打造成舞蹈明星
此外，壽星女饒珮君自稱年年18歲，生日願望是可以向國際舞壇進發，她說：「學校上咗軌道，所以我打算報名參加更多喺外國舉行嘅職業比賽，不過壓力都好大㗎。我仲定咗下一個人生目標，就係以王仁曼校長為目標，要好似佢咁樣，所有香港人講起芭蕾舞就諗起佢，講到拉丁舞就會諗起我，呢個係我嘅夢想。」最近饒珮君簽了新的經理人公司，她說：「公司計劃將我打造成舞蹈明星，幫我出書同埋出DVD教人跳舞。」
採訪、攝影：楊潔雯