顏福偉酷愛幕前演出，但他多年來結交的娛圈朋友不多，他的幾位好友包括鄧浩光、袁潔瑩及彭嘉麗昨日均對顏被定罪一事不願多談。
「希望佢吉人天相」
鄧浩光獲顏福偉邀請拍攝白花油廣告，二人在廣告內打羽毛球的鏡頭曾成佳話，他們也因合作成為好友，後來鄧浩光更加入顏的公司任職。鄧昨日在電話中談到事件時表示：「都幾突然，我唔期望係咁樣，我本來對件事都幾有信心，𠵱家成件事我唔評論喇。」袁潔瑩曾接拍白花油廣告，更與顏福偉傳出緋聞，但她對事件只回應道：「希望佢吉人天相啦。」
彭嘉麗也曾是白花油廣告代言人，與顏福偉合唱過歌曲《去飛》，她昨日接受電話訪問時說：「我拍完廣告後都冇同佢聯絡，喺兩個幾月前去過佢公司嘅周年晚會見過佢，我冇睇新聞唔知單案係點，唔評論喇。」
本報記者