呢次法拉利之行，由於機位緊張，唔可以直飛意大利，要喺德國Frankfurt轉機。等轉機嗰陣嘅唯一節目：喺機場四圍蕩。唔知係咪外國人特別鍾意喺機場做裝置藝術，呢度特別多擺設。德國機械出名，車就更加唔使講，有三五架出現喺機場角落好平常，不過最令我驚訝嘅係竟然有部KIA！大家無聽錯，係韓國車KIA！遠望，部車無論車頭設計、線條、軚軨同輪胎等等都令我覺得佢似Audi；近望，原來係KIA！可能係由德國車廠做Design嘅關係，成部車非常歐洲跑車Look，比過去見過嘅KIA車都要型、都要靚。至於個價錢，同樣「靚」到暈，盛惠25,520，歐羅喎，兌番港紙成三十萬㗎！（四之二）
記者：加菲