大陸公佈最新經濟數據，3月份通脹放緩，宏調措施溫和，港股噚日一度反彈超過563點，收市升幅收窄至380點。專家教路，唔少A股已跌到合理水平，投資者可考慮揀估值與A股接近嘅H股，尤其睇好中資金融股。
郭：郭家耀 楊：楊慧玲
楊：噚日外圍市況稍為明朗，港股開始築底，企穩喺24000點樓上，但內地股市走勢啱啱相反，上海A股下跌68點，中央調高存款準備金比率只係溫和嘅措施，點解大陸股市氣氛都仲咁差嘅？
郭：今日內地A股唔係隻隻都跌得好犀利，保險股嘅跌幅相對大市就跌得較輕微，尤其A股同H股折讓較細嘅股票，抗跌力較強。
楊：咁投資者要尋寶，係咪可以揀呢啲A、H股折讓較細嘅股票？
郭：都係㗎，因為佢哋嘅估值較合理，下跌空間有限，但都要留意基本因素，因為同樣係中資股，有啲發盈喜，有啲就發盈警，所以要小心選擇。
楊：咁有乜心水板塊推介呀？
郭：比較鍾意中資金融股，因為估值合理，A、H股嘅折讓差唔多，雖然喺宏調下，貸款增長會放緩，而非利息收入又受股市影響減少，但舊年內地加咗幾次息，令息差擴闊，加上兩稅合併，估計中資金融股都可以keep住兩至三成增長，另外保險股都會有幾大上升空間。
楊：其實呢排無論個別股票或股市都受內地政策主導，投資者都要小心留意。而中國電信（728）今日走勢都唔錯，你點睇？
郭：今日係有中電信同中國聯通（762）洽商CDMA估值嘅消息出過，但都只係傳聞，如果靠傳聞炒上會比較危險，我覺得中移動（941）較穩陣。
中資金融股表現一覽
中國銀行（3988）
昨收報（元）：3.74 變幅（%）：+1.08 市盈率（倍）：15.78
中信銀行（998）
昨收報（元）：4.59 變幅（%）：+2.46 市盈率（倍）：18.66
建設銀行（939）
昨收報（元）：6.41 變幅（%）：+1.10 市盈率（倍）：19.72
交通銀行（3328）
昨收報（元）：10.18 變幅（%）：+1.60 市盈率（倍）：22.52
工商銀行（1398）
昨收報（元）：5.88 變幅（%）：+1.9 市盈率（倍）：22.53
招商銀行（3968）
昨收報（元）：28.70 變幅（%）：+0.53 市盈率（倍）：25.93
長實落後換馬中移動
陳小姐：想問吓隻長實（001），諗住炒月尾減息，喺118蚊入咗貨，目標價125蚊，點知今日好多隻地產股嘅走勢都唔錯，惟獨佢最差，長實嚟緊係咪都咁弱？
郭：𠵱家地產股唔當炒，就算炒減息對地產股都唔會有太大刺激，因為市場都預期會減息，加上最近樓市放慢咗，建議換馬中資股。
陳：如果我揸兩星期，長實有冇機會上番118蚊？
郭：長實去番118蚊唔出奇，但要上到125蚊目標價就有難度，因為佢最近兩次嘅頂位都喺120蚊左右。
楊：如果要換馬，究竟有乜中資股選擇？
郭：嚟緊中資股陸續公佈首季業績，相信對股價會有刺激，中移動前景都唔錯，佢2月嘅上客紀錄又創單月新高，就算電訊業重組，以佢咁雄厚嘅資金亦唔怕面對挑戰，可以考慮等佢股價落番125蚊買入。
《旺角陳小姐個案》
買入價：118元
目標價：125元
止蝕價：-
時期：兩星期
每日收市後4:30pm
歡迎Click入finance.appledaily.com以Webcam參與節目及收看
亦可Phonein28698262暢談心得請即登上
https://video.appledaily.com.hk/realtime/features細閱詳情
今日嘉賓：亨達集團研究部董事黃敏碩
