玩具大王蔡志明嘅千金蔡加怡（中）同姪仔蔡加頌噚日以仁愛堂總理身份，出席喺洲際酒店舉行嘅就職禮。蔡太李惠莉（右）同兒子蔡加讚（左）都有去撐場。蔡加怡仲以26歲之齡成為全場最年輕女總理，佢話：「好開心，但家姐做東華總理時仲細過我。」 問蔡加怡工作善事兩忙，會唔會冇時間搵男友？佢話：「隨緣，我都唔心急，𠵱家忙喺廣州開康健診所。」