陳奕迅（Eason）、吳君如和無綫總經理陳志雲昨日到旺角一酒店，出席節目《了解．關懷一百萬人的故事》記者會，Eason透露探訪一位80多歲的獨居老伯後，方發覺自己對香港低收入人士情況的無知。他說：「我哋做藝人，成日俾人縱，又有人湊，拍完呢個特輯之後，先知自己未捱過苦，其實仲幾嘆，唔同呢130幾萬人。」
君如變慳
至於已為人母的君如表示近年已變得節儉，不過拍攝節目後更甚，她說：「我去探兩個單親家庭，兩個小朋友都病，接觸完實會有兩滴眼淚，不過最緊要係繼續關懷佢哋。」主持之一陳志雲逗留片刻即離開，被問到無綫主席邵逸夫已康復返家休養時說：「我成日都話佢出咗院㗎啦，你哋唔信之嘛，阿Sir𠵱家休息緊，情況好好，係肯定冇叫我哋擺風水陣囉。」
採訪、攝影：藍文浩