我車報員有個朋友啱啱升咗做經理，即刻話想買番部新車賀賀佢。之不過佢諗咗好耐，都仲未拍到板，皆因日製豪華房車唔太啱Feel，歐洲車款又似乎配件多多，又唔係件件啱用，不過就搞到車價貴咗！
咦，不如諗吓BMW代理幫5系新推出嘅Executive版吖，就好似熱賣中嘅523iA同525iA咁，外觀同內裝大致同頂級豪版無分別，但好多配備例如轉向Bi-Xenon頭燈、定速巡航，以至係電天窗等設備，都可以當Option配備加上去。鍾意先畀錢加，完全係自己話晒事，唔使逼自己要買啲唔需要嘅嘢嘛，係咪？至於大家最關心嘅，咁就肯定係車價啦。嗱，523iAExecutive賣$499,000，而525iAExecutive就賣$533,000，但聽代理朋友講，話佢哋賣晒手頭上呢30部存貨之後會即刻加價。有興趣嘅話，就真係要快囉！我都即刻要叫嗰位朋友落去睇吓先！
記者：車報員