要諗到一啲能夠真正考慮到小朋友的需要，及令家長十分安心的遊玩地方是有難度的。印象最深刻及良好的有海港城及apm的小朋友洗手間。裏面除了有獨立間隔的兒童坐廁外，亦有洗手盆，十分周到。
去了廸士尼酒店住了兩晚，深深感受到他們對小朋友的重視。睇睇張相就可以諗到4個細心的安排。第一係矮凳仔，千祈唔好睇小佢，佢係一張每個有小朋友家庭的必備恩物，可以令洗手及去廁所都變成樂事，起碼家長唔使抱起小朋友咁辛苦。第二及第三係兒童尺碼浴袍及拖鞋，唔使着大人嗰啲，令到女兒們着得好開心。最後係洗手盆下嘅紙巾格，大人就肯定睇佢唔到，但對小朋友就十分周到。
就係咁少嘅安排就可以令家長咁冧，請各商界人士多從小朋友的角度思考，感激感激！
個人資料 夏巴巴：
平凡男人一個，卻扮演着多個角色，好兒子，好丈夫，好爸爸，中學教師，還有良好僱主（傭人眼中），「好」大壓力㗎！