唐貝詩前晚與母親寇鴻萍以母女裝密實打扮出席內衣騷，風頭不及內衣外穿的楊秀惠。身形性感的唐貝詩透露愛穿HelloKitty卡通圖案的可愛內衣，更自爆發育時找不到她尺碼的內衣，更因尷尬不喜歡戴bra。
唐貝詩與母親寇鴻萍、楊秀惠、余安安、汪圓圓和羅霖等，前晚到中環Prive出席Privatei內衣騷，由混血名模CaraG.率領外籍模特兒行騷，性感香艷，Cara的母親及男友Jesper都前來為她打氣。
「唔好阻住發育」
去年以青春性感姿態，成為ball場新血的唐貝詩，今次從英國回港，每次出席活動都在母親寇鴻萍監護下，收起性感，前晚她又密實以tubetop打底，穿上碎花裙母女裝到來，被同場楊秀惠及陸詩韻的性感打扮，即時比下去，其中楊秀惠以藍色satin、黑色喱士內衣外穿，搶盡風頭。
問現年19歲的唐貝詩夠膽行內衣騷嗎？其母寇鴻萍即搶說：「仲細，21歲先，年紀太細，做住嘉賓先。」唐貝詩則說：「怕羞，shy。」問寇鴻萍是否在囡囡小時便教授穿內衣心得，她說：「冇特別教，佢開始發育咪一齊揀，唔會喺街亂買，揀啲適合佢自己，唔好阻住發育，𠵱家佢自己揀。佢14歲我同佢買內衣，入到舖頭冇一件啱佢，好離譜，香港人啲size細咗啲，後來搵啲英國size先啱。」
在旁的唐貝詩對此笑說：「唔記得，淨係記得細個唔鍾意戴bra，因為好尷尬，個人都縮埋。」寇更大爆囡囡的內衣口味說：「佢鍾意啲HelloKitty，同埋成日揀啲彩色鏈帶個啲款式，同妹妹一齊襯衫，佢哋仲叫我一齊着，青春啲。」
收埋戰衣兩年
此外，楊秀惠一身性感內衣外穿，她表示購自馬來西亞，她說：「件衫買咗兩年，不過冇機會着，女仔梗係要買定一件性感內衣。」記者笑她留給男友欣賞，她說：「未有真命天子，等個浪漫男仔出現，以前都會幫男朋友買內褲。」問她緋聞男友孫耀威是否夠浪漫？她說：「佢都唔係真命天子。」
採訪：LawWaiMan 攝影：DickyChan
