三人女子組合Hotcha去年成績不俗，獲得多個最佳組合獎，公司覺得她們前途一片光明，在各大唱片公司高呼「cutbudget」的大趨勢下，Hotcha有幸逆流而上，唱片公司更日用50萬讓她們變身日本妹拍MV，Hotcha自然開心到飛起！
出道一年多，Hotcha以青春少女組形象吸引不少少男少女做fans，經過一年努力，Hotcha漸見成績，唱片公司有意逆市催谷，投放過百萬宣傳費給Hotcha。最近Hotcha拍攝新歌《了了》MV，換了一個可愛日本澀谷少女造型，新歌由日本人編曲，舞蹈編排同樣找來一個日本舞蹈老師教路，拍攝MV《了了》更日用50萬。
染髮傷頭皮
Regen、Crystal、Winkie知道公司加碼宣傳自然拍手叫好，對於新形象她們都相當滿意，Regen：「今次轉呢個日本look好鍾意，啲衫好靚，成個澀谷姐姐，好有日本妹味道。」Crystal說：「仲有個頭，之前因為拍電視劇，所以三個都染黑晒個頭，𠵱家拍完，所以即刻可以轉形象，嗰日染番淺色個頭，搞咗成六個鐘，最慘就係Winkie，佢染到個頭傷晒，頭皮損晒。」
隔空學跳舞
三個姊妹都好想留住這個日本look，Crystal說：「呢個look最啱我哋，我就好想keep耐少少，不過我知道未必可以。」今次除了日本澀谷造型之外，還聘請了日本人做編曲及編舞，Winkie說：「隻舞係日本老師遙距教我哋，隻舞學咗兩日，練咗一個月，希望大家鍾意。」
採訪：楊潔雯
攝影：葉君海
