花名Bobo嘅費倫天拿中鋒韋利，出名係「情場浪子鬼見愁」，新任女友梅麗莎當然早有所聞，所以當Bobo話想要BB嗰陣，佢即刻話：「我得22歲，唔適合有BB住！」呢個梅麗莎之前係電視台新聞節目主持，有樣有腦，雖然為咗多啲陪Bobo寧願辭職，不過一提到生仔女，就頭腦好清醒，果然叻女。其實Bobo都成34歲人，因乜事仲幼稚過女友㗎？生個BB唔係講玩，要負好大責任㗎，以韋利嘅性格，孭唔起囉！