點解西班牙盃決賽冇得播？
加拿斯抨擊隊友前應檢討自己
吓！阿仙奴斟燕豪芬鋼門靴里奴高美斯？
日聯已難賭，日聯盃會易嗎？
阿積士重賽，單W莊家開得更熱
最新動態
曼聯旺爆，競爭對手卻惡運連連，或者不能常以冇運等不負責任嘅言論為失敗找藉口，正如買錯波，只能怪自己道行未夠定力未夠，與人無尤亦唔關個天唔鍾意你。
時近季尾，熱W頻頻熱倒，車仔凌晨3點對韋根，無論你睡前落注，對前者排弱陣懵然不知；又或者你玩走地盤，料亦凶多吉少。我一向不欣賞嘅車仔領隊格蘭賽後賴林柏特屋企有事，而杜奧巴則有傷，連後日對愛華頓都未必出得。吓！連施治都神奇復出，咪信晒呢類軍情。
格蘭料子有幾多，大家心裏有數，自己形勢落後曼聯，不以獅子撲兔對付韋根，反而諸多顧慮。鏡頭所見杜奧巴與有列後備嘅胡禮仔只顧嬉戲，戰將從沒想過今場會失分；半場後只派祖高爾即開悶局，諗住又穩食魚生粥，結果卻臨尾香。失波後在最後一分鐘才用另一億萬球星舒夫真高上陣搏殺，搞笑！
命運由自己操控，麾下兵多將勇，卻因自視過高，最後落得如斯下場，睇吓太上皇阿巴莫域治季尾會點睇？
文：蘋果波神
今季唔得，咪下季嚟過囉！
http://hk.myblog.yahoo.com/appleballmen/