佘詩曼昨日以一身希臘女神look在佐敦出席香港體驗記者會，席間宣佈續約再任代言人，她透露酬勞增加了近一倍。阿佘表示以前懶做身體檢查，但自從成為代言人後，便每年檢查一次，她說：「啲姑娘每年都打電話提醒我做bodycheck，做呢行我就最驚因為日夜顛倒，搞到個肝有事，好彩我身體都叫OK，只係膽固醇比較高。」
搵女醫生婦檢
阿佘透露很喜歡吃乳鴿、大閘蟹和雞皮等高膽固醇食物，她說：「我真係唔肥唔食㗎，以前食消夜一定食乳鴿，每次食大閘蟹一次可以食八隻，醫生同我講要開始食少啲。」她又謂做婦科檢查時一定找女醫生，她說：「做婦科檢查點都有啲尷尬㗎啦，不過一定要做，因為越嚟越多古靈精怪嘅病，一定要做好預防。」
採訪：李珮洳 攝影：陳順禎