07年度港姐張嘉兒、周美欣和何傲兒昨日到新城電台接受訪問，宣傳新一屆港姐招募。對於師姐徐子珊前晚勇奪香港電影金像獎最佳新演員，三人都表示興奮，張嘉兒說：「佢真係好犀利呀，之前我哋都有預祝佢得獎，唔知我哋會唔會有咁嘅一日呢？」何傲兒則說：「我會租番《追蹤》嚟睇，其實好多前輩都叫我睇多啲戲，如果真係有得拍戲，我乜嘢角色都想試。」
卸任失落
談到快將卸任，三位港姐均嘆不捨，張嘉兒說：「一定會唔捨得同埋失落，因為我哋𠵱家經常都一齊做嘢，之後就變咗一個人出嚟。」三人均表示盼在娛圈發展，更有意作多方面嘗試，周美欣說：「當然想試吓拍劇，又想唱主題曲，都想行catwalk做模特兒。」張嘉兒說：「除咗想喺娛樂圈發展，我都好想好似陳妙瑛有自己嘅事業，佢𠵱家做埋老闆好叻。」
採訪、攝影：王連連