韓國型男元斌繼上星期宣佈復出拍電影後，噚日又以任天堂Wii代言人身份出席記者會，即席試玩遊戲。佢喺台上好專注咁玩網球遊戲，仲同任天堂嘅社長打咗場友誼波。不過，着晒西裝嘅元斌似乎同運動遊戲格格不入，發揮唔到佢嘅真功夫。廣告商話元斌既熱愛運動，形象又健康，相信廣告推出後可以吸納唔少平時冇打機嘅人。