中國銀監會上個禮拜一公佈，大陸投資者可以透過QDII（合格境內機構投資者）買美股。不過，滬深股市上個禮拜初氣勢如虹，噚日就勁跌，賭仔姓賴，網友散戶Kira-Yamato就認為呢個係大陰謀。
首先A股跌，可以減低大陸股民投資外地嘅興趣，佢仲語帶雙關話「kill啲師奶」（QDII）遲早變成「冇錢二奶」。另外，A股跌，咁中央就唔使開港股直通車，變相鼓勵大陸股民投資比H股平嘅A股。Kira-Yamato嘅陰謀論係堅定流華華唔知，但大陸網友散戶冷眼看牛熊就話「目睹今天的大跌，我無語，也不想評論甚麼，只知道，現在割肉是唯一的選擇。」慘烈情況可想而知。