鄭欣宜前晚出席金像獎頒獎禮，領取大會頒發畀肥姐沈殿霞嘅專業精神獎，不過欣宜嘅外籍男友（中）就喺同晚8點幾，約埋幾位朋友包括兩名外籍女伴一齊蒲蘭桂坊。近日投訴不滿被追訪嘅欣宜男友全程小心翼翼，見佢只係同啲男性朋友有講有笑，即使同行嘅外籍女伴撩佢傾偈，佢都保持距離，表現避忌，其後佢發現記者在場，仲加快腳步坐的士鬆人。