昨天說到6個月喇，都只是買了床仔和BB車，現在肚皮雖然大了很多，又重了十多磅，但趁還未覺是負荷，步履仍算輕盈的時候，再懶，都得出動為小生命入貨了！
先是衫仔，快做媽媽，才明白名牌不一定是好，反而質料一定要全棉，最好是有機全棉，不用擔心BB會皮膚敏感。奶奶仲話要選擇左右開胸的，後面不能有鈕扣，免得BB唔舒服。所以，款式更可愛都好，不合乎任何一個標準，都可以不買。想想也是對的，BB頭幾個月，日瞓夜瞓，衫仔靚但沒有人欣賞到，倒不如等要見人時才扮靚靚好了。
至於奶樽，這個其實最頭痕，膠做的怕有釋多芬，玻璃的，出街又不方便。朋友說洗奶樽煩，一次過買了二十多個，但我連牌子都未選定……嘩，清單上還有一堆如毛巾被、烚奶樽器、BB冲凉膠盆等，真是不能再拖，要快些決定，快些掃貨啦！
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。