縱橫電影界數十載的陳惠敏，演活無數膾炙人口的角色，其江湖大佬形象更是深入民心。鐵漢也有柔情一面，早前他接受網上節目《Net人飯局》訪問，暢談他與妻子的感情事，又坦承曾與日本女星新藤惠美拍過兩年拖。凌零發決定讓讀者了解這位「大佬」背後一些鮮為人知的事。
讚老婆大方
陳惠敏在訪問中不時提及結婚38年的太太，她當年更為自己坐了兩年監，令他畢生難忘，他說：「其實我以前都幾花弗，但係一個女人能夠為你付出兩年幾嘅時間喺入面，你係咪要尊重佢先？」陳惠敏不諱言自己也曾風流過，當年與日本女星新藤惠美合演電影《狂情》，後來彼此戲假情真，發展兩年多的地下情，陳惠敏又稱：「不過我太太好大方，佢知我以前花弗都唔係點理，總之你識得返屋企就得！」
一拳打甩骱
陳惠敏的名字在拳壇響噹噹，12歲開始打拳的他，曾奪得無數獎項，李小龍曾盛讚他說：「腳就李小龍，拳就陳惠敏。」提到最難忘的拳賽，他說：「72年代表香港參加中國國術擂台大賽，冠軍賽對一個菲律賓選手，打咗十幾秒，我一個直錘，就打甩咗佢牙骱。」坊間有傳他曾在擂台中擊斃一韓國拳手，陳惠敏說：「冇咁嘅事，打死拳手嗰個係我師弟。」
抗拒演黑幫
在影壇拍過130齣電影的陳惠敏，原來起初並不太願意拍戲，他說：「嗰時唔拍戲收入都幾好，喺江湖嘅收入都好過拍戲。咁啱有個導演特別鍾意我，叫我拍部戲，戲名叫《血案》（李琳琳、鄧光榮主演），之後就一路有戲拍。」陳惠敏初時被定型為大反派及黑幫頭子，他對此頗有微言：「去到外國啲影迷見到我，唔會話我係香港演員，佢會話香港既黑社會，搞錯呀，拍戲啫！」自此他決定嚴選角色──壞人中的好人，好人中的壞人。
欽佩周星馳
陳惠敏曾與無數圈中人合作，但要數最合拍的，他首選梁小龍：「最夾嘅係梁小龍，佢係演員中打得最好。」陳惠敏曾與周星馳在電影《風雨同路》和《濟公》中合作，他對星爺讚不絕口：「呢個人叻到絕，佢唔係靚仔，但佢所做嘅一舉一動係香港人既標誌。佢拍戲好認真，我好尊敬佢，電影界好少有咁嘅超級叻人。」
版主：凌零發
訪問片段
http://www.netv77.com/page/?floor=8&page=movie&program=19&movieid=152
