張晉同孫耀威噚日喺黃大仙出席電影《流浪漢世界盃》記者會，張晉話近嚟忙拍電影，問到佢豈不是冇時間同老婆蔡少芬造人？佢話：「都未係時候，至少要等多兩年啦。」 另外，孫耀威話兩個禮拜前坐朋友車發生車禍，𠵱家個鼻仲有疤，佢話：「當時我以為自己要退出娛樂圈啦，以為個樣唔見得人，但係好彩冇乜事，而我啲朋友都係皮外傷。」