林敏驄的太太陳伶俐，最近被指遭已婚的麻雀腳蔣世傑（Peter）的老婆入稟，告她與其夫通姦，令阿驄惹上綠帽疑雲，經過這件事後，阿驄表示以後要求陳伶俐謹慎選友，他說：「以後佢識親朋友，我諗都要同佢隔吓渣先。」
林敏驄的太太陳伶俐早前被傳背夫偷食，先後被指跟火車頭越南餐廳老闆李成文和已婚任職股票行的Peter過從甚密，事件傳出後，陳伶俐立即與阿驄高調拍拖賀生日，以行動闢謠，可是最近卻又有報道指Peter的太太入稟法庭，控告夫婿與陳伶俐通姦。阿驄坦言護妻情切，並聲言會撐到底，他更乘機火速製作一張新唱片《我愛你》，希望借勢宣傳之餘，也藉以扭轉負面的新聞局面。
「盡量唔想嗌交」
經過這次綠帽疑雲，阿驄表示兩夫婦溝通反而多了，作為母親，阿驄大讚陳伶俐值100分，他昨日在尖沙嘴接受訪問時說：「兩個仔我都有份生，但教育同照顧佢哋，伶俐出咗好多力。」至於作為妻子，阿驄說：「咁有98分，剩低兩分係扣佢鍾意打麻雀。」阿驄坦承夫妻之間總會有拗撬，但當要一觸即發嗌交時，他們都會自制地彈開，以免發生「相嗌唔好口」的後果，阿驄說：「因為一旦嗌交，唔好聽嘅說話就會衝口而出，有啲嘢講咗未必收得番，所以盡量都唔想嗌。」
問到阿驄覺得太太有甚麼地方要改進？他說：「佢雖然生咗兩個仔，但年紀仲細，有時處事未夠成熟，或者慢慢改善啦。」阿驄可會利用自己人生經驗教導陳伶俐如何擇友？他抵死的說：「以後佢識朋友，我諗都要同佢隔吓渣先，或者叫啲人同我面試，但一定唔係返屋企進行面試囉！」不過基本上，阿驄表示夫婦可以擁有很大的私人空間，最重要還是彼此信任。
與小蟲擦火花
此外，阿驄有見樂壇青黃不接，而他對音樂仍抱有很大的熱誠，他說：「過去一年，我長時期喺內地做音樂，接觸咗好多有潛質嘅新人，令自己後生番晒，好有衝勁想去搞好音樂。」
阿驄在工作上認識了台灣音樂人小蟲，二人惺惺相惜，這次更邀請了對方在新碟中合作，希望可以擦出新火花，為樂迷帶來更多新鮮感。阿驄說：「我唔期望新碟會大賣，都好明白𠵱家巿道唔好，但我想用張碟話畀大家聽，我仲喺樂壇，而樂壇同音樂都係我屋企囉，我得閒會返嚟坐吓。」
採訪：比華利 攝影：林德雄
