無綫劇集《溏心風暴之家好月圓》拍攝得如火如荼，剛巧鍾嘉欣和陳豪兩位演員都在今個月生日，故眾演員昨日齊集將軍澳電視廣播城，為二人慶祝生日，更順道慶祝徐子珊成為今屆金像獎最佳新演員。
無綫昨日在電視城舉行「家好月圓賀生辰」，監製劉嘉豪安排黃宗澤及林峯送上鮮花祝賀壽星女鍾嘉欣，眾演員隨即起哄要他們吻賀壽星女，不過感冒纏身的黃宗澤笑說：「我都好想呀，最衰我病唔咀得啦。」於是大家便叫嘉欣的緋聞男友林峯送吻，最後在群眾壓力下，林峯尷尷尬尬完成任務，楊怡更抵死地向林峯說：「益晒你呀，記得請食飯呀。」
笑稱人多面皮薄
嘉欣直言當時很尷尬，她說：「咁多人起哄去玩，真係搞到我好尷尬，但係咁多人同我補祝生日，我都覺得好開心。」她更表示在金像獎落敗不感失望，她說：「我覺得入圍已經係好幸運嘅事，我事前都睇好子珊，所以一啲都冇失望！」林峯也坦言感到尷尬，他笑說：「乜嘢叫益晒我呀？𠵱家男女平等，其實我都好蝕底喎，可能我面皮薄，而且又咁多人睇住，咁梗係尷尬啦。」
同是壽星仔的陳豪，被楊怡和徐子珊踢爆他在開工時經常講電話及傳短訊，陳豪笑着否認與廖碧兒短訊傳情，他說：「佢哋喺度妖言惑眾呀，我除咗呢部劇之外，仲有好多其他嘢做，所以惟有靠電話同短訊去安排。」
陳豪等碧兒送禮
明天是陳豪的生日，但因為要開工，故未必有機會慶祝，他說：「其實我已經同屋企人提早慶祝，自己嘅要求好簡單，一句『生日快樂』已經好夠，我呢排冇見到廖碧兒，往年佢都有自製蛋糕送畀我，唔知今年會有乜表示喎！」
採訪：何慧斯
攝影：葉君海