近日氣溫回升，天氣又濕又焗，又是開冷氣的時候。一開機，冷氣好似唔太夠凍，原來經過幾個月無開冷氣，塵埃附在冷凍網上會影響製冷效能，不止會吹出細菌塵蟎，更會增加耗電量。所以最好先用市面的冷氣噴劑作表面清潔，提高製冷效能，再不夠凍，就要找專業人士檢查。
記者：張一豪
攝影：陳盛臣
Model：Tiana@InternationalChile
塵太多唔夠凍
請教在牛頭角從事維修冷氣工程已有15年經驗的震興冷氣工程湯師傅：「每年轉季剛剛開機，發覺冷氣好似唔係好夠凍，可以先試用市面上出售嘅洗冷氣噴劑，清洗機上表面塵垢。噴劑好處係清洗方便，只要清理埋冷凍網上嘅塵垢膜，製冷能力會提升番少少。但如果部機已用咗3年以上，從未清洗過，咁機內會積塵太多，洗完後好大機會令塵垢塞住製冷內嘅去水位，開機後令積水倒流。最好係成部機拆出嚟搬入洗手間用花灑冲一次，但對一般家庭來講，唔係咁易嘅事情。」
3年以上需大洗
他又補充：「其實用咗3年以上的機，因積塵太多，加上雪種唔夠，最好係搵專業人士清洗。保養冷氣正確方法係夏季完結，唔開時搵人洗一次，咁就唔會因養住上一季嘅污糟嘢，而『漚爛』部機底盤同散熱。」
方便噴劑
坊間有多種洗機用噴劑，價錢都不超過$50，如果冷氣機不是太過污糟，作為保養清洗，都相當經濟方便。
清新自然味 $44.9/a
3M冷氣泡沫清潔劑可溶解製冷部位的污垢、霉菌等，氣味清新自然。
花香薰衣草香任揀
原價$78.9
特價$49.9/b
元創生活冷氣機潔之噴劑由日本原裝進口，除原味外，還有花香及薰衣草味。
增量20% $29.9/c
冷氣洗劑增量版有強力噴嘴，檸檬氣味清新，增量20%更抵用。
加送長噴嘴長掃 $39.9/c
韓國滅菌冷氣清洗噴劑附有可拆除長噴嘴和長掃，方便清理細微地方。
a.吉之島（28846888）
b.實惠（26638833）
c.日本城怡和街店（22034216）
DIY自己洗
窗口機
囗先將隔塵網取出。
囗要除面蓋，先鬆出外罩的螺絲，才可除掉外罩。
囗部份新款冷氣毋須上螺絲，找到扣位，一拉即除。
囗用噴劑射滿製冷表面，塵垢膜就會被溶化。用刷除去塵垢，再開機用倒汗水把污垢冲走。
分體機
囗分體機亦要先取出隔塵網，除去外罩，在製冷表面噴上噴劑逼出污垢，再用刷除去部份塵垢。
囗清洗好的製冷部份，一般都會重現表面的銀白色。
專業清洗
1日內交機
震興如果在同區附近做清洗，價錢公道，若拆機返工場洗，亦盡量確保1日內交回。不過雪種只包分體式，窗口機則需額外收費。
查詢：27286877
窗口機：3/4匹$250、1匹$300、匹半$350、2匹$400
分體式：3/4匹-1匹$550、匹半-2匹$600
上門1小時完工
坤記吳永強師傅擁18項註冊測試全能證書及牌照，從事維修冷氣工程30年，若師傅上門洗冷氣，約1小時內完成；就算要拆機帶返工場洗，也包1日內可交回。
查詢：27790928
窗口機：3/4匹-1匹$300、匹半$350、2匹$400
分體式：3/4匹-匹半$550、2匹
一站式服務
惠而浦服務範圍包括保證即日清洗送回府上、維修檢查、免費加雪種、消毒、掃防銹漆、潤滑劑及120日清洗保證，跟進服務做到足。
查詢：24069138
窗口機：3/4匹$295、1匹-匹半$320、2匹-3匹$360
分體式：3/4匹$650、2匹-3匹$750
＊以上價錢只供參考，正式收費須實地檢查才可確定，舊樓高層及離工場距離都會影響運輸費用。