永恩國際（210）噚日公佈業績，並宣佈進軍高級女裝鞋市場，主要透過代理國際名牌，其中之一就係股神畢菲特投資旗艦巴郡旗下H.H.Brown嘅品牌Sfft同Born。
安排私人飛機接載
據主席陳英杰介紹，對方安排咗架私人飛機專誠接載佢去美國傾呢單生意，咁有冇同股神傾過偈？陳英杰笑住話：「我識畢菲特，但畢菲特唔識我！」咁有冇機會獲畢菲特垂青，畀巴郡入股永恩做中石油（857）第二？佢就話呢啲嘢要保密，唔否認但亦唔承認咁就走咗。呢招真係高呀，喺股市裏面，最緊要畀投資者有幻想嘅空間嘛！
股神畢菲特早年以每股平均1.67元購入中石油股份，並喺去年以大約11至13蚊沽清，雖然佢呻過放得早，但都係大賺，點石成金；今次永恩同畢菲特嘅巴郡沾上少少關係，未知會唔會有進一步行動呢？
電郵：mailto:[email protected]